بانی پی ٹی آئی عمران خان کے طبی معائنے کی تفصیلی رپورٹ جاری کر دی گئی ہے۔
73 سالہ عمران احمد خان نیازی کا 15 فروری 2026 کو میڈیکل بورڈ کے ذریعے مکمل طبی معائنہ کیا گیا۔
میڈیکل بورڈ میں Al-Shifa Trust Eye Hospital کے پروفیسر ڈاکٹر ندیم قریشی اور Pakistan Institute of Medical Sciences (پمز) کے پروفیسر ڈاکٹر محمد عارف خان شامل تھے۔
رپورٹ کے مطابق سنٹرل میکیولر تھکنس 550 سے کم ہو کر 350 رہ گئی ہے جو نمایاں بہتری کی علامت ہے۔ متاثرہ دائیں آنکھ کی بینائی 6/36 سے بہتر ہو کر 6/9 ہو گئی ہے جسے موجودہ مرحلے پر تسلی بخش قرار دیا گیا ہے۔
بغیر عینک دائیں آنکھ کی بینائی 6/24 جبکہ بائیں آنکھ کی 6/9 ریکارڈ کی گئی، جبکہ عینک کے ساتھ دائیں آنکھ کی بینائی 6/9 اور بائیں آنکھ کی 6/6 ہو چکی ہے۔ رپورٹ میں آنکھوں کی موجودہ میڈیکل کنڈیشن کی مکمل تفصیلات شامل ہیں۔
میڈیکل بورڈ نے آئندہ علاج کے لیے نیواناک آئی ڈراپس دونوں آنکھوں میں روزانہ دو بار استعمال کرنے، کو-سوپٹ آئی ڈراپس صرف دائیں آنکھ میں روزانہ دو بار جاری رکھنے اور سسٹین الٹرا آئی ڈراپس دونوں آنکھوں میں دن میں تین بار استعمال کرنے کی ہدایت کی ہے۔
اینٹی-VEGF انجیکشن کی دوسری خوراک شیڈول کے مطابق دینے کی تجویز دی گئی ہے جبکہ مزید تشخیص کے لیے OCT اینجیوگرافی اور اینٹی-VEGF کورس مکمل ہونے کے بعد FFA ٹیسٹ کرانے کی ہدایت بھی شامل ہے۔
میڈیکل بورڈ کے دورہ Adiala Jail کے بعد بیرسٹر گوہر خان اور علامہ راجہ ناصر عباس نے پمز کا دورہ کیا جہاں ماہرین نے انہیں تفصیلی بریفنگ دی۔
یہ بھی پڑھیں: عمران خان کی بینائی میں نمایاں بہتری، جیل میں طبی معائنہ، ذاتی معالجین اور اپوزیشن رہنماؤں کو ڈیڑھ گھنٹہ بریفنگ
رپورٹ کے مطابق عمران خان کے ذاتی معالجین ڈاکٹر عاصم یوسف اور ڈاکٹر خرم مرزا کو بھی فون پر مکمل آگاہ کیا گیا جبکہ پارٹی رہنماؤں اور ذاتی معالجین نے جاری علاج اور فالو اپ پلان پر مکمل اطمینان اور اعتماد کا اظہار کیا ہے۔ بانی پی ٹی آئی کے میڈیکل چیک اپ کی رپورٹ دونوں ماہر ڈاکٹروں کے دستخط سے جاری کی گئی ہے۔
