اسلام آباد: پاکستان تحریک انصاف (پی ٹی آئی) نے اپنی سیاسی کمیٹی میں مزید دو اہم شخصیات کو شامل کرنے کا اعلان کر دیا ہے، جس کا باضابطہ نوٹیفکیشن جاری کر دیا گیا ہے۔
پارٹی کے مرکزی سیکریٹریٹ سے جاری اعلامیے کے مطابق سینیٹر پیر نور الحق قادری اور سنی اتحاد کونسل کے قائم مقام چیئرمین صاحبزادہ حسن رضا کو سیاسی کمیٹی کا حصہ بنایا گیا ہے۔
New members of Political committee pic.twitter.com/SFfrB5dZww
— Sheikh Waqas Akram (@SheikhWaqqas) April 23, 2026
اس پیش رفت کو پارٹی کے اندر مشاورت کے عمل کو مزید مضبوط بنانے کی کوشش قرار دیا جا رہا ہے۔
نوٹیفکیشن میں کہا گیا ہے کہ یہ فیصلہ پارٹی کی پولیٹیکل کمیٹی کے اجلاس میں کیا گیا، جس کے بعد دونوں رہنماؤں نے کمیٹی میں خدمات انجام دینے پر آمادگی ظاہر کی۔
یہ بھی پڑھیں : پی ایس ایل 11: کراچی کنگز کی شاندار فتح، لاہور قلندرز کو 5 وکٹوں سے شکست
اعلامیے کے مطابق نامزد رہنماؤں کو باقاعدہ طور پر سیاسی کمیٹی میں خوش آمدید کہا گیا ہے اور امید ظاہر کی گئی ہے کہ وہ پارٹی کے پالیسی معاملات اور اہم فیصلوں میں مؤثر کردار ادا کریں گے۔
یہ نوٹیفکیشن پاکستان تحریک انصاف کے سیکریٹری جنرل سلمان اکرم راجہ کے دستخطوں سے 22 اپریل 2026 کو جاری کیا گیا، جس کے بعد پارٹی کی سیاسی صفوں میں اس فیصلے کو اہم پیش رفت قرار دیا جا رہا ہے۔
