وزیراعظم شہباز شریف نے امریکی صدر ڈونلڈ ٹرمپ کی خطے میں امن کے فروغ کے لیے کی جانے والی کوششوں کا خیر مقدم کرتے ہوئے کہا ہے کہ پاکستان اخلاص کے ساتھ امن عمل کو آگے بڑھانے کے لیے اپنی کوششیں جاری رکھے گا۔
وزیراعظم شہباز شریف نے اپنے بیان میں کہا کہ سعودی عرب، قطر، ترکیہ، مصر، متحدہ عرب امارات، اردن اور پاکستان کے رہنماؤں کے درمیان ہونے والے رابطے مفید رہے، جن میں علاقائی صورتحال اور امن عمل کو آگے بڑھانے پر تبادلہ خیال کیا گیا۔
I congratulate President Donald Trump on his extraordinary efforts to pursue peace and for holding a very useful and productive telephone call earlier today, with the leaders of Saudi Arabia, Qatar, Turkiye, Egypt, the UAE, Jordan and Pakistan. Field Marshal Syed Asim Munir…
— Shehbaz Sharif (@CMShehbaz) May 24, 2026
انہوں نے کہا کہ پاکستان کو امید ہے کہ جلد مذاکرات کے اگلے دور کی میزبانی کا موقع ملے گا جبکہ خطے میں پائیدار امن کے قیام کے لیے مذاکراتی عمل جاری رکھنے پر اتفاق بھی کیا گیا ہے۔
یہ بھی پڑھیں: امریکا ایران مذاکرات مکمل ہونے کے قریب، معاہدے کے زیادہ تر معاملات طے پا گئے، صدر ٹرمپ
وزیراعظم شہبازشریف نے کہا عاصم منیر نے ٹیلیفونک رابطوں میں پاکستان کی نمائندگی کی اور امن عمل کے لیے اہم کردار ادا کیا، انہوں نے فیلڈ مارشل عاصم منیر کی انتھک کوششوں کو بھی سراہا۔
وزیراعظم شہباز شریف نے کہا کہ پاکستان خطے میں امن و استحکام کے لیے اپنا مثبت اور تعمیری کردار آئندہ بھی ادا کرتا رہے گا۔
