کراچی میں دکان لوٹنے والے اپنے انجام تک پہنچ گئے، شناخت بھی ہوگئی

کراچی پولیس کے مطابق ہلاک ملزمان ایک دکان میں لوٹ مار کر رہے تھے اور انہوں نے دکاندار پر فائرنگ کی ۔

فائرنگ کی آواز سن کر قریب ہی 12 ربیع الاول کے جلوس کی سکیورٹی پر مامور پولیس اہلکار موقع پر پہنچے تو ملزمان نے پولیس پارٹی پر بھی فائرنگ کر دی۔

پولیس حکام نے بتایا کہ جوابی فائرنگ سے تینوں ملزمان ہلاک ہوگئے، ہلاک ملزمان کی شناخت رحمان، عمرداد اور صادق کے نام سے ہوئی ہے، واقعے سے متعلق مزید تحقیقات جاری ہیں۔