سید فخر کاکا خیل
خیبر پختونخوا کے ضلع ہنگو میں انارچینہ پولیس چیک پوسٹ پر دہشت گردوں نے کواڈ کاپٹر کے ذریعے حملہ کیا ہےجس کے نتیجے میں دو پولیس اہلکار فیصل اور ظفر حیدر زخمی ہو گئے۔
واقعے کی اطلاع ملتے ہی ڈی پی او ہنگو طارق حبیب خان کی قیادت میں پولیس کی بھاری نفری فرنٹیئر کور (ایف سی) کے ساتھ انارچینہ چیک پوسٹ کی جانب پیش قدمی کر رہی ہے۔
ذرائع کے مطابق حملے کے بعد دہشت گردوں کی جانب سے توغ چھپر اور امدادی نفری کو نشانہ بنانے کے لیے راستوں اور چوکی کے اطراف پہاڑی علاقوں میں گھات لگانے کی اطلاع ہے۔
یہ بھی پڑھیں : نئی آٹو پالیسی: گاڑی خریدنے والوں کے لیے بڑی خبر
ڈی پی او طارق حبیب خان کی براہ راست نگرانی میں پولیس اور فرنٹیئر کور کا علاقائی سیکیورٹی کاؤنٹر آپریشن جاری ہے۔
