کراچی: ملک میں سونے کی قیمت میں آج ایک بار پھر کمی ریکارڈ کی گئی ہے۔
آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونے کی قیمت 1800 روپے کم ہونے کے بعد 4 لاکھ 55 ہزار 736 روپے ہوگئی ہے۔
اسی طرح 10 گرام سونے کی قیمت میں 1543 روپے کمی ہوئی، جس کے بعد نئی قیمت 3 لاکھ 90 ہزار 720 روپے ہوگئی۔
ایسوسی ایشن کے مطابق ملک میں سونے کی قیمت میں کمی کا اثر عالمی مارکیٹ کی قیمتوں میں آنے والی کمی کے باعث بھی سامنے آیا ہے۔ عالمی بازار میں سونے کی قیمت 18 ڈالر کم ہوکر 4 ہزار 322 ڈالر فی اونس ہوگئی ہے۔
دوسری جانب فی تولہ چاندی کی قیمت میں بھی 62 روپے کمی ہوئی، جس کے بعد ایک تولہ چاندی کی قیمت 7 ہزار 38 روپے ہوگئی ہے۔
