گورنر خیبر پختونخوا فیصل کریم کنڈی نے ایکس ایک ویڈیو جاری کرتے ہوئے وزیراعلیٰ خیبرپختونخوا محمد سہیل آفریدی کو شدید تنقید کا نشانہ بنایا ہے۔
ویڈیو میں وزیراعلیٰ کو سرکاری ہیلی کاپٹر پر پشاور سے لکی مروت کے علاقے گنڈی چوک پہنچتے دیکھا جا سکتا ہے جہاں سے وہ وفاق کی جانب پی ٹی آئی کے لانگ مارچ کی قیادت کر رہے ہیں۔
اسلام آباد ہائی کورٹ کے واضح احکامات کے باوجود وزیراعلیٰ سہیل آفریدی کا سرکاری ہیلی کاپٹر پر لانگ مارچ کی قیادت کے لیے گنڈی چوک، لکی مروت پہنچنا توہینِ عدالت اور عدالتی احکامات کی کھلی خلاف ورزی ہے
جب وزیرِاعلیٰ خود عدالت کے احکامات کی پاسداری نہیں کریں گے، سرکاری وسائل کو سیاسی سرگرمی کے لیے استعمال کریں گے، تو پھر ان کے کارکنوں سے قانون کی پاسداری کی کیا توقع کی جا سکتی ہے— Faisal Karim Kundi (@fkkundi) October 4, 2026
گورنر فیصل کریم کنڈی نے اپنے بیان میں کہا کہ اسلام آباد ہائی کورٹ کے واضح احکامات کے باوجود وزیراعلیٰ کا سرکاری ہیلی کاپٹر کے ذریعے لانگ مارچ کے لیےلکی مروت پہنچنا توہین عدالت اور عدالتی احکامات کی کھلی خلاف ورزی ہے۔
یہ بھی پڑھیں : گورنر راج یا کچھ اور ؟ محسن نقوی لاہور سے پشاور پہنچ گئے
انہوں نے موقف اختیار کیا کہ جب صوبے کا وزیراعلیٰ خود عدالت کے احکامات کو ہوا میں اڑائے گا اور سیاسی سرگرمیوں کے لیے سرکاری وسائل کا استعمال کرے گا تو ان کے کارکنوں سے قانون کی پاسداری کی کوئی توقع نہیں رکھی جا سکتی۔
