کوئٹہ : بلوچستان میں دہشت گردوں اور شرپسند عناصر کے ناپاک عزائم کو ایک بار پھر خاک میں ملاتے ہوئے قانون نافذ کرنے والے اداروں نے بروقت، انتہائی جرات مندانہ اور پیشہ ورانہ کارروائی کے ذریعے بڑی انسانی المیے کی سازش کو ناکام بنا دیا ہے۔
ذرائع کے مطابق تمام لیویز اہلکاروں اور فرنٹیئر کور (FC) کے جوانوں کو بحفاظت بازیاب کرا لیا گیا ہے۔ اس کامیاب ریسکیو آپریشن نے ریاست کی رٹ اور سیکیورٹی فورسز کی صلاحیتوں کا ایک بار پھر لوہا منوا لیا ہے۔
واقعے کی تفصیلات کے مطابق دہشت گردوں نے بزدلانہ کارروائی کرتے ہوئے لیویز فورس اور ایف سی کے جوانوں کو نشانہ بنانے کی کوشش کی تھی اور انہیں اغوا کر کے نامعلوم مقام پر منتقل کرنے کے مذموم عزائم رکھے گئے تھے۔
تاہم اطلاعات ملتے ہی سیکیورٹی فورسز، فرنٹیئر کور (FC) اور قانون نافذ کرنے والے اداروں نے فوری طور پر مشترکہ حکمت عملی ترتیب دی اور ہنگامی بنیادوں پر آپریشن کا آغاز کیا۔ انٹیلی جنس بیسڈ معلومات کو بروکار لاتے ہوئے اور انتہائی عزم و استقلال کا مظاہرہ کرتے ہوئے فورسز نے ہدف کا گھیرا تنگ کیا۔
آپریشن کے دوران سیکیورٹی اہلکاروں نے انتہائی حکمتِ عملی سے کام لیتے ہوئے تمام یرغمالی لیویز اور ایف سی اہلکاروں کو دشمن کے چنگل سے چھڑانے میں حتمی کامیابی حاصل کی۔
یہ بھی پڑھیں : باڑہ پولیس اسٹیشن پر حملے کا دندان شکن جواب، تاریکی کا فائدہ اٹھا کر دہشت گرد دم دبا کر بھاگ نکلے
تمام اہلکاروں کو بحفاظت اور خیریت کے ساتھ بازیاب کرا لیا گیا ہے، جنہیں ابتدائی طبی امداد اور ضروری قانونی کارروائی کے لیے محفوظ مقام پر منتقل کر دیا گیا ہے۔ اس شاندار کامیابی کے بعد سیکیورٹی فورسز اور قانون نافذ کرنے والے اداروں کی ٹیموں کو زبردست خراجِ تحسین پیش کیا جا رہا ہے۔
اس کامیاب ریسکیو مشن کے بعد علاقے میں سرچ اینڈ کلیئرنس آپریشن کا دائرہ کار مزید وسیع کر دیا گیا ہے تاکہ اس بزدلانہ حرکت میں ملوث تمام شرپسند عناصر، ان کے سہولت کاروں اور ماسٹر مائنڈز کو کیفرِ کردار تک پہنچایا جا سکے۔
حکومت اور عسکری حکام کا عزم غیر متزلزل ہے کہ ریاست کے امن و امان کو خراب کرنے اور اداروں کو نشانہ بنانے والوں کے خلاف آہنی ہاتھوں سے نمٹا جائے گا، اور شہریوں و محافظین کے جان و مال کے تحفظ کو ہر صورت یقینی بنایا جائے گا۔
