خیبرپختونخوا کی سیاست میں ایک طوفانی اور ہنگامہ خیز دور کے اختتام اور انتظامی تبدیلی کے بعد صوبائی دارالحکومت پشاور کی فضاؤں میں ایک بار پھر خوشیوں اور امن کے دیے جل اٹھے ہیں۔
سالہا سال تک احتجاجی سیاست، دھرنوں اور مسلسل بدانتظامی کے باعث تنگی اور خوف کے سائے میں جینے والے پشاور کے عوام نے اب بالآخر چین اور سکون کا سانس لیا ہے۔
اس نئے پرامن ماحول اور سکون کی عملی اور شاندار جھلک پشاور میں منعقد ہونے والے اس رنگا رنگ فیسٹیول میں دیکھنے کو ملی جہاں شہر کے کونے کونے سے امڈ کر آنے والے شہریوں نے جوش و خروش کا عالمی ریکارڈ قائم کرتے ہوئے بھرپور شرکت کی۔
ذرائع کے مطابق صوبے کی سابقہ حکومت کے خاتمے اور امن و امان کی بحالی کے اس نئے باب پر عوام میں گہرا اطمینان پایا جاتا ہے۔
ماضی میں جہاں شہر کی گلیاں دھرنوں اور سیاسی نعرے بازی کی نذر رہتی تھیں وہیں اب شہری مختلف تفریحی، سماجی اور ثقافتی تقریبات میں آزادانہ طور پر شریک ہو کر معمولاتِ زندگی کی بحالی کا جشن منا رہے ہیں۔
پشاور فیسٹیول کے دوران ضلعی انتظامیہ کی کارکردگی اور انتظامات کا معیار اس قدر شاندار تھا کہ ہر طرف اس کے چرچے ہونے لگے۔
فیسٹیول میں شریک پشاور کی ایک رہائشی فاطمہ خان نے سوشل میڈیا پر اپنے دلی تاثرات کا اظہار کرتے ہوئے بتایا کہ انہوں نے اپنی پوری زندگی میں پشاور کے اندر کبھی اتنا منظم، پرامن اور شاندار ماحول نہیں دیکھا تھا۔
انہوں نے حیرت اور خوشی کا اظہار کرتے ہوئے کہا کہ اتنی بڑی اور بحر بیکراں جیسی عوامی ہجوم کے باوجود تمام سرگرمیاں انتہائی اعلیٰ درجے کے نظم و ضبط کے ساتھ جاری رہیں اور پورے ایونٹ کے دوران کوئی ایک بھی ناخوشگوار واقعہ پیش نہیں آیا۔
سماجی اور سیاسی حلقوں کا اس پر گہرا تجزیہ ہے کہ ماضی میں صوبائی حکمرانوں کی تمام تر توجہ صرف اور صرف اسلام آباد پر دھویں دھاڑ حملوں، احتجاجی دھرنوں اور وفاق کے ساتھ محاذ آرائی پر مرکوز تھی۔ عوامی فلاح و بہبود اور تفریح کا نام و نشان تک مٹا دیا گیا تھا جس کی وجہ سے پشاور کے باسی سالوں تک مثبت سرگرمیوں سے محروم رہے۔
یہ بھی پڑھیں : لینڈ مافیا کا گھیراؤ : صوابی پولیس کا زیرو ٹالرنس فارمولا ، فوری انصاف شروع!
تاہم موجودہ انتظامی تبدیلی اور گورنر راج کے نفاذ کے بعد حالات نے پلٹا کھایا ہے اور ایک فعال انتظامیہ نے ثابت کر دیا ہے کہ اگر نیت درست ہو تو عوام کو ایک پرامن اور محفوظ ماحول فراہم کرنا کوئی مشکل کام نہیں۔
پشاور فیسٹیول کی اس ناقابلِ یقین کامیابی اور رونق کے بعد فیسٹیول کے ہزاروں شرکاء اور شہریوں نے پرزور مطالبہ کیا ہے کہ ایسے مثبت اور تفریحی عوامی پروگرام باقاعدگی سے منعقد کیے جائیں تاکہ پشاور کے باسیوں کو صحت مند سرگرمیوں میں حصہ لینے کا تسلسل کے ساتھ موقع ملتا رہے اور یہ شہر ایک بار پھر اپنی تاریخی رونقیں مکمل طور پر بحال کر سکے۔
