عمران خان سے وکلارہنمائوں کی ملاقات کیلئے چیئرمین پی ٹی آئی بیرسٹر گوہر نے جیل حکام کو فہرست بھجوادی ۔
تفصیلات کے مطابق فہرست میں سلمان اکرم راجہ ،نیاز اللہ نیازی اور سمیر کھوسہ کے نام شامل ہیں ،بیرسٹر گوہر کی جانب سے بھیجی گئی فہرست میں نعیم پنجوتھا ، فیصل ملک اور ظہیر عباس چوہدری کا نام بھی شامل ہے ۔
ذرائع کے مطابق وکلا رہنما بانی پی ٹی آئی عمران خان سے کل ملاقات کیلئے اڈیالہ جیل پہنچیں گے ، بانی پی ٹی آئی عمران خان اور بشریٰ بی بی کی اہلخانہ بھی کل ملاقات کیلئے اڈیالہ جیل جائیں گے ۔
