محکمہ موسمیات نے وفاقی دارالحکومت سمیت ملک کے مختلف علاقوں میں گرج چمک، تیز ہواؤں اور موسلادھار بارش کی پیشگوئی کر دی ہے، جبکہ کچھ علاقوں میں موسم گرم اور مرطوب رہنے کا امکان ہے۔
پنجاب اور کشمیر میں بارش کا سلسلہ جاری رہے گامحکمہ موسمیات کے مطابق شمال مشرقی پنجاب اور کشمیر میں بیشتر مقامات پر تیز ہواؤں اور گرج چمک کے ساتھ بارش کی توقع ہے، جبکہ کئی علاقوں میں موسلادھار بارش بھی ہو سکتی ہے۔اسلام آباد، مری، گلیات، اور گرد و نواح میں شدید بارش کا امکان ظاہر کیا گیا ہے۔
بارش کی زد میں آنے والے اہم شہروں میں شامل ہیںراولپنڈی، لاہور، سیالکوٹ، نارووال، گوجرانوالہ، گجرات، منڈی بہاؤالدین، جہلم، قصور، اوکاڑہ، شیخوپورہ، فیصل آباد، جھنگ، بھکر، میانوالی، ساہیوال، بہاولپور، ڈیرہ غازی خان، لیہ، ملتان اور دیگر۔
خیبرپختونخوا کے کئی اضلاع میں بھی بارش متوقع خیبرپختونخوا کے مختلف اضلاع بشمول پشاور، دیر، سوات، چترال، کوہستان، شانگلہ، بونیر، ایبٹ آباد، ہنگو، کرک، کوہاٹ، ڈی آئی خان، بنوں، وزیرستان اور دیگر علاقوں میں گرج چمک اور بارش کی پیشگوئی کی گئی ہے۔
جنوبی پنجاب، سندھ اور بلوچستان بھی متاثر ہو سکتے ہیںمحکمہ موسمیات کے مطابق:جنوبی پنجاب میں تونسہ، کوٹ ادو، رحیم یار خان اور بہاولنگر میں بارش ہو سکتی ہے۔سندھ کے شہروں سکھر، گھوٹکی، اور کشمور میں بھی گرج چمک کے ساتھ بارش کا امکان ہے۔بلوچستان کے علاقوں ژوب، موسیٰ خیل، اور بارکھان میں بارش متوقع ہے۔
آزاد کشمیر اور گلگت بلتستان میں شدید بارش کی وارننگ آزاد کشمیر میں بیشتر مقامات پر موسلادھار بارش کی پیشگوئی کی گئی ہے، جو نشیبی علاقوں میں سیلابی صورتحال کا باعث بن سکتی ہے۔گلگت بلتستان میں بھی چند مقامات پر تیز ہواؤں اور بارش کا امکان ظاہر کیا گیا ہے۔
ملک کے دیگر علاقوں میں موسم گرم و مرطوب رہنے کا امکان محکمہ موسمیات نے بتایا کہ وہ علاقے جو بارش کی زد میں نہیں ہیں، وہاں موسم گرم اور مرطوب رہے گا، خصوصاً دن کے وقت درجہ حرارت بلند رہنے کی توقع ہے۔
