پاکستان تحریک انصاف (پی ٹی آئی) نے وزیراعلیٰ گلگت بلتستان سمیت 12 اراکین اسمبلی کو پارٹی پالیسی کی خلاف ورزی پر پارٹی سے نکال دیا۔
قومی اخبار(روزنامہ جنگ ویب سائٹ)کے مطابق ایڈیشنل سیکریٹری جنرل پی ٹی آئی کی جانب سے جاری کردہ نوٹیفکیشن میں ان تمام اراکین کی بنیادی رکنیت ختم کرنے کا اعلان کیا گیا ہے۔
نوٹیفکیشن میں کہا گیا ہے کہ ان اراکین پر پارٹی پالیسی کی خلاف ورزی، فارورڈ بلاک بنانے اور پارٹی کے خلاف ووٹ دینے جیسے سنگین الزامات ہیں، جس کے باعث انہیں تنظیم سے نکالنے کا فیصلہ کیا گیا۔
پی ٹی آئی کے مطابق جن 12 اراکین کی بنیادی رکنیت ختم کی گئی، ان میں شامل ہیں:
وزیراعلیٰ گلگت بلتستان گلبر خان
شمس الحق لون
راجہ اعظم
عبدالحمید
امجد زیدی
حاجی شاہ بیگ
ثریا زمان
راجہ ناصر مقپون
مشتاق احمد
دلشاد بانو
فضل رحیم
پی ٹی آئی کی جانب سے سابق گورنر گلگت بلتستان راجہ جلال حسین مقپون کو بھی شوکاز نوٹس جاری کر دیا گیا ہے۔ تمام منحرف اراکین کو پارٹی کا نام، جھنڈا اور کوئی بھی عہدہ استعمال کرنے سے روک دیا گیا ہے۔
