جیولین تھرو کی دنیا کے دو ممتاز حریف، پاکستان کے ارشد ندیم اور بھارت کے نیرج چوپڑا، آج ورلڈ ایتھلیٹکس چیمپئن شپ میں ایک بار پھر ایک دوسرے کے خلاف میدان میں اتریں گے۔ شائقین کے لیے یہ مقابلہ نہ صرف کھیل کا جوش و خروش لیے ہوئے ہے بلکہ پاک بھارت اسپورٹس رivalry کا نیا باب بھی ہے۔
جیولین تھرو کے کوالیفائنگ راؤنڈ کا آغاز آج (پاکستانی وقت کے مطابق) شام 4 بج کر 45 منٹ پر ہوگا، جس میں دنیا بھر کے بہترین تھرورز شریک ہوں گے، جن میں جرمنی کے ویبر سمیت کئی بڑے نام شامل ہیں۔
مقابلے کے کامیاب ایتھلیٹس 18 ستمبر کو ہونے والے فائنل راؤنڈ میں جگہ بنائیں گے، جو ورلڈ چیمپئن شپ کا سب سے اہم اور فیصلہ کن مرحلہ ہو گا۔
پاکستانی اسٹار ایتھلیٹ ارشد ندیم نے قوم سے دعاؤں کی اپیل کی ہے تاکہ وہ بہتر کارکردگی دکھا کر ملک کا نام ایک بار پھر روشن کر سکیں۔ یاد رہے کہ ارشد ندیم پیرس اولمپکس کے گولڈ میڈلسٹ ہیں اور ان کی کارکردگی کو دنیا بھر میں سراہا جا چکا ہے۔
یہ دونوں کھلاڑی مئی میں پاکستان اور بھارت کے درمیان کشیدگی کے بعد پہلی بار آمنے سامنے آ رہے ہیں، جس سے اس مقابلے کی اہمیت اور بھی بڑھ گئی ہے۔کھیل کے ماہرین اور شائقین دونوں کی نظریں آج کے اس اہم مقابلے پر مرکوز ہیں، جو ممکنہ طور پر ایک تاریخی لمحہ ثابت ہو سکتا ہے۔
