اسلام آباد: الیکشن کمیشن آف پاکستان نے ملک بھر میں بڑے پیمانے پر تقرریوں اور تبادلوں کے احکامات جاری کر دیے ہیں، جن کا باقاعدہ نوٹیفکیشن بھی جاری کیا گیا ہے۔
نوٹیفکیشن کے مطابق سعید احمد خان کو ریجنل الیکشن کمشنر فیصل آباد تعینات کیا گیا ہے، جبکہ عبدالصمد خان کو ڈی آئی خان، مظہر حسین کو ژوب، محمد قیوم کو ننکانہ صاحب اور محمد جمیل کو منڈی بہاؤالدین کا ڈسٹرکٹ الیکشن کمشنر مقرر کیا گیا ہے۔
اسی طرح محمد خلیل کو گوجرانوالہ میں ڈسٹرکٹ الیکشن کمشنر کے طور پر ذمہ داریاں سونپی گئی ہیں۔
لودھراں میں وسیم کاشف خان لودھی، نارووال میں، حامد نواز کو کوہاٹ، عمر خان کو ہنگو، اور آصف خان خٹک کو بنوں میں تعینات کر دیا گیا ہے۔
مزید برآں اصغر خان کو بٹ گرام، شاہد علی کو مہمند، واجد علی کو خیبر، عبدالرؤف خان کو ٹانک، امین بشیر علی کو لاڑکانہ اور عطاء اللّٰہ بروہی کو سکھر میں الیکشن کمیشن کی ذمہ داریاں سونپی گئی ہیں۔
بلوچستان کے مختلف اضلاع میں بھی تبادلوں کا سلسلہ جاری رہا، جہاں عبدالحلیم کو چاغی، طفیل احمد کو پنجگور، شوکت علی کو آواران، احسان اللّٰہ شاہ کو مستونگ، مٹھا خان کو کوہلو، صفی اللّٰہ کو ڈیرہ بگٹی، اشفاق حسن کو خانیوال اور محمد رضوان کو بہاولپور منتقل کیا گیا ہے۔
یہ بھی پڑھیں : خیبرپختونخوا کے مختلف اضلاع میں زلزلے کے جھٹکے
نوٹیفکیشن میں یہ بھی بتایا گیا ہے کہ عبدالصمد خان کو ریجنل الیکشن کمشنر بنوں کا اضافی چارج دیا گیا ہے، اشفاق احمد کو لیہ کا ڈسٹرکٹ الیکشن کمشنر مقرر کیا گیا ہے جبکہ عمر خان کو کرم میں اضافی ذمہ داریاں سونپی گئی ہیں۔
ذرائع کے مطابق یہ تقرریاں اور تبادلے آئندہ بلدیاتی و ضمنی انتخابات کو شفاف اور مؤثر طریقے سے کرانے کے لیے کیے گئے ہیں۔
