پی ٹی آئی کے آفیشل ایکس اکاؤنٹ سے کوئی تعلق نہیں، شیخ وقاص اکرم نے پارٹی کی موقف واضح کر دیا
تفصیلات کے مطابق مرکزی سیکریٹری اطلاعات پاکستان تحریک انصاف (پی ٹی آئی) شیخ وقاص اکرم نے واضح کیا ہے کہ پارٹی کا انفارمیشن ونگ کسی طور بھی پی ٹی آئی کے آفیشل ایکس اکاؤنٹ سے منسلک نہیں ہے۔
میڈیا سے گفتگو کرتے ہوئے شیخ وقاص اکرم نے کہا کہ پی ٹی آئی کی طرف سے جاری ہونے والی کسی بھی سرکاری معلومات یا اعلانات کا تعلق صرف پارٹی کے مجاز ذرائع سے ہے، اور جو ایکس اکاؤنٹ فعال ہے وہ پارٹی کا آفیشل پلیٹ فارم نہیں ہے۔
انہوں نے مزید بتایا کہ اس ایکس اکاؤنٹ کو بیرونِ ملک میں موجود کچھ پی ٹی آئی کارکنان چلا رہے ہیں اور یہ پاکستان میں پارٹی کے کسی بھی مجاز نمائندے کے زیرِ انتظام نہیں ہے۔ شیخ وقاص نے کہا کہ جو کچھ اس اکاؤنٹ پر پوسٹ ہو رہا ہے اس کا پی ٹی آئی کی سرکاری پالیسی یا موقف سے کوئی تعلق نہیں۔
انہوں نے زور دے کر کہا کہ پارٹی کے آفیشل اعلانات اور معلومات صرف پی ٹی آئی کے مجاز ذرائع، سرکاری ویب سائٹ یا مجاز سوشل میڈیا ہینڈلز کے ذریعے ہی جاری کیے جائیں گے تاکہ کسی قسم کی غلط فہمی یا افواہوں سے بچا جا سکے۔
شیخ وقاص اکرم کی اس وضاحت کا مقصد پارٹی کے آفیشل موقف اور غیر مجاز اکاؤنٹس کے بیچ واضح فرق قائم کرنا اور عوام و کارکنان کو درست معلومات فراہم کرنا ہے۔
