باجوڑکی تحصیل سلارزئی کے علاقے ملاسید سے اغوا ہونے والے دو نوجوانوں کی لاشیں برآمد ہو گئی ہیں۔
رشید اور شاہد نامی دونوں نوجوانوں کو گزشتہ روز نامعلوم مسلح افراد نے اغوا کیا تھا۔
ڈی پی او باجوڑ وقاص رفیق نے مقتولین کی لاشیں ملنے کی تصدیق کر دی ہے۔
دونوں نوجوانوں کا تعلق سلارزئی سے ہے ۔
رشید اور شاہد پہاڑی علاقے ملاسید خزہ میں موجود سکیورٹی فورسز کے لیے روزانہ پانی پہنچانے کا کام کرتے تھے۔
پولیس نے واقعے کی تحقیقات شروع کر دی ہیں جبکہ علاقے میں سکیورٹی بھی مزید سخت کر دی گئی ہے۔
