ایپل کی جانب سے فروری 2026 میں رواں سال کا سستا ترین فون آئی فون 17 ای متعارف کرائے جانے کا امکان ہے، اور اب اس کی قیمت اور کچھ تکنیکی تفصیلات بھی سامنے آ گئی ہیں۔
بلومبرگ کی رپورٹ کے مطابق ایپل ممکنہ طور پر 19 فروری کو یہ نیا ماڈل متعارف کرائے گا۔ آئی فون 17 ای گزشتہ سال کے آئی فون 16 ای کی جگہ لے گا اور اپنی کم قیمت کے ساتھ صارفین کے لیے پرکشش ماڈل ثابت ہوگا۔
رپورٹ کے مطابق آئی فون 17 ای کی قیمت 599 ڈالرز ہوگی، جو گزشتہ سال کے آئی فون 16 ای کے برابر ہے۔ اگرچہ ریم چپس کی قلت کے باعث امکان تھا کہ قیمت میں اضافہ ہو، لیکن ایپل نے فون کو اسی قیمت پر رکھنے کا فیصلہ کیا ہے۔
آئی فون 17 ای بنیادی طور پر آئی فون 16 ای جیسا ہی ہوگا، تاہم اس میں کچھ اہم اپگریڈ شامل ہیں:
A19 چپ سیٹ کی موجودگی، جو آئی فون 16 ای میں موجود A18 چپ سے اپگریڈ ہے۔
میگ سیف سپورٹ کی سہولت، جو صارفین کو مقناطیسی اٹیچمنٹ اور آسان چارجنگ کی سہولت فراہم کرے گی۔
یہ بھی پڑھیں : بیرون ملک پاکستانیوں نے کتنی بڑی رقم وطن بھیجی؟ تازہ رپورٹ جاری
یعنی آئی فون 17 ای زیادہ بڑی تبدیلی یا اپگریڈ ماڈل نہیں ہے، یہی وجہ ہے کہ ایپل قیمت کو برقرار رکھنے میں کامیاب رہا۔
خیال رہے کہ ایپل کی جانب سے ابھی تک آئی فون 17 ای کے حوالے سے کوئی باضابطہ بیان جاری نہیں کیا گیا۔
اس لیے یہ کہنا مشکل ہے کہ فون واقعی 19 فروری کو متعارف ہوگا یا نہیں۔ تاہم توقع ہے کہ ایپل جلد ہی اپنے نئے ماڈل کی تفصیلات واضح کرے گا۔
