اسلام آباد: حکومت نے موجودہ سولر صارفین کے لیے نیٹ بلنگ وصولی روکنے کا فیصلہ کیا ہے، جبکہ یہ پالیسی صرف نئے سولر صارفین پر لاگو ہوگی۔
وفاقی وزیر برائے پاور اویس لغاری نے نجی ٹی وی کے پروگرام میں بتایا کہ ایک ماہ تک نیٹ میٹرنگ پالیسی میں کوئی تبدیلی نہیں ہوگی۔
انہوں نے کہا کہ یہ اقدام براہِ راست وزیراعظم کی ہدایات پر اٹھایا گیا ہے تاکہ موجودہ سولر صارفین متاثر نہ ہوں۔
اوئیس لغاری نے مزید کہا کہ حکومت کے اتحادی اور سولر صارفین کے حق میں پالیسی کی حمایت نہیں کر رہے، اور بعض اوقات حتیٰ کہ ان کی اہلخانہ بھی نئے نیٹ میٹرنگ ریگولیشنز کے خلاف ہیں۔
نیپرا نے نیشنل گرڈ کو بجلی فروخت کرنے کے ریٹس میں کمی کا اعلان کیا تھا۔ نئے ریگولیشنز کے مطابق پرانے سولر صارفین اپنی پیدا کردہ بجلی نیشنل گرڈ کو پرانے ریٹس یعنی فی یونٹ 25 روپے 32 پیسے پر فروخت کریں گے۔ تاہم نئے سولر صارفین کے لیے یہ ریٹ 17 روپے 19 پیسے فی یونٹ تک کم کر دیا گیا ہے۔
وفاقی وزیر نے واضح کیا کہ اس فیصلے کا مقصد موجودہ سولر صارفین کو تحفظ فراہم کرنا ہے اور نئے ریگولیشنز سے صرف آنے والے صارفین متاثر ہوں گے۔
یہ بھی پڑھیں : ملالہ یوسفزئی نے پاکستانی طالبات کے لیے آکسفورڈ اسکالرشپ کا اعلان کر دیا
انہوں نے کہا کہ وزیراعظم شہباز شریف نے سولر سے متعلق نئے ریگولیشنز پر فوری نوٹس لیا اور ہدایت کی کہ موجودہ صارفین کی مالی صورتحال متاثر نہ ہو۔
حکومت کے اس اقدام سے سولر انڈسٹری کے موجودہ صارفین کو وقتی ریلیف حاصل ہوگا اور پالیسی کے نئے اثرات آنے والے وقت میں نئے صارفین تک محدود رہیں گے۔
