تحریک انصاف کا 27 ستمبر کو شیڈول لانگ مارچ موخر کیے جانے کے بعد خیبر پختونخوا سے اسلام آباد کی جانب جانے والے راستے کھل گئے۔
ترجمان موٹر وے پولیس کے مطابق موٹر وے ایم ون اسلام آباد تا پشاور دونوں اطراف سے ہر قسم کی ٹریفک کے لیے بحال کردی گئی ہے۔
ترجمان کا مزید بتانا ہے کہ موٹر وے ایم 14، ہکلہ تا کنڈل پر تاحال بحالی کا کام بدستور جاری ہے، موٹروے ایم ون سے ہزارہ موٹروے کو ملانے والا لوپ پر بحالی کا کام جاری ہے۔
یہ بھی پڑھیں: ہمت ہے تو آؤ لانگ مارچ کرو، پی ٹی آئی والے بزدل ہیں،عطاء اللہ تارڑ
ترجمان نے بتایا کہ جی ٹی روڈ این فائیو اسلام آباد تا پشاور ہر قسم کی ٹریفک کے لیے بحال کردیا گیا، اسلام آباد میں ریڈ زون کے اطراف بڑی تعداد میں کنٹینرز تاحال موجود ہیں۔
