مشیر وزیر خزانہ خرم شہزاد نے کہا ہے کہ ملک میں پیٹرولیم مصنوعات کے ذخائر وافر مقدار میں موجود ہیں اور تیل کی سپلائی کے حوالے سے کسی قسم کی تشویش کی ضرورت نہیں۔
میڈیا سے گفتگو کرتے ہوئے انہوں نے بتایا کہ ملک میں پہلے پیٹرولیم مصنوعات کا ذخیرہ تقریباً 24 دن کا تھا، جو اب بڑھ کر چار ہفتوں تک کا ہو گیا ہے۔ مشیر خزانہ نے واضح کیا کہ مارچ اور اپریل کے لیے تیل کے ذخائر کافی ہیں اور سپلائی میں مزید بہتری کے اقدامات جاری ہیں۔
خرم شہزاد نے کہا کہ حکومت نے غیر ضروری اخراجات میں کمی کے ذریعے تقریباً ساڑھے ایک ارب روپے کی سپورٹ فراہم کی ہے، اور یہ اقدامات کفایت شعاری کی ایک مثال قائم کر رہے ہیں۔ انہوں نے عوام سے بھی اپیل کی کہ قومی مفاد میں حکومت کے ساتھ تعاون کریں۔
انہوں نے مزید کہا کہ ملک میں پیٹرول، ڈیزل اور دیگر پیٹرولیم مصنوعات کی موجودہ وافر مقدار عوام اور صنعت دونوں کے لیے استحکام کا باعث ہے، اور کسی قسم کی قلت یا بحران کے خدشات کو بلاوجہ بڑھایا جا رہا ہے۔
خرم شہزاد کے مطابق حکومت اپنی پالیسیوں کے ذریعے ملکی اقتصادی استحکام کو برقرار رکھنے اور روزمرہ زندگی میں تیل کی مناسب دستیابی کو یقینی بنانے کی کوشش کر رہی ہے۔
