اسلام آباد: وزیراعظم شہباز شریف کی عالمی سطح پر امن کوششوں نے سفارتی حلقوں میں توجہ حاصل کرلی ہے، جہاں انہوں نے امریکا اور ایران کے درمیان کشیدہ صورتحال کم کرنے کے لیے اہم پیش رفت کی ہے۔
وزیراعظم شہباز شریف نے اپنے سوشل میڈیا پلیٹ فارم ایکس (سابقہ ٹوئٹر) پر جاری بیان میں دونوں ممالک سے دو ہفتوں کی جنگ بندی کی اپیل کی۔
Diplomatic efforts for peaceful settlement of the ongoing war in the Middle East are progressing steadily, strongly and powerfully with the potential to lead to substantive results in near future. To allow diplomacy to run its course, I earnestly request President Trump to extend…
— Shehbaz Sharif (@CMShehbaz) April 7, 2026
ان کا یہ پیغام جاری ہونے کے نوے منٹ کے اندر ہی 38 لاکھ سے زائد مرتبہ دیکھا گیا، جبکہ عالمی سطح پر اسے امن کی بحالی کی جانب ایک مثبت اور بروقت اقدام قرار دیا جارہا ہے ۔
وزیراعظم شہباز شریف کی جانب سے سوشل میڈیا پلیٹ فارم ایکس پر نہ صرف جنگ بندی کی بلکہ ڈونلڈ ٹرمپ سے ممکنہ ڈیڈ لائن میں توسیع اور ایران سے کیلئے آبنائے ہرمز کو کھلا رکھنے کی اپیل بھی کی ہے۔
وزیراعظم شہباز شریف کی جانب سے پیغام کے بعد ائٹ ہاؤس کی ترجمان کیرولین لیویٹ نے کہا کہ پاکستان کی جانب سے پیش کردہ امن فارمولا وائٹ ہاؤس تک پہنچ چکا ہے، جہاں اس پر غور جاری ہے۔
دوسری جانب ڈونلڈ ٹرمپ نے وزیراعظم شہباز شریف کے کردار کو سراہتے ہوئے انہیں ’’قابل احترام‘‘ قرار دیا اور کہا کہ وہ ان کی تجاویز پر متعلقہ حکام سے بریفنگ لیں گے۔
یہ بھی پڑھیں : صدر ٹرمپ شہباز شریف کی اپیل سے باخبر، رد عمل جلد متوقع ، وائٹ ہاؤس
ادھر ایرانی حکام نے بھی پاکستان کی جانب سے پیش کی گئی دو ہفتوں کی جنگ بندی کی درخواست پر غور کرنے اور جلد ہی جواب دینے کا عندیہ دیا ہے۔
وزیراعظم کی تجویز کے بعد عالمی منڈی میں تیل کی قیمتوں میں کمی ریکارڈ کی گئی ہے، برینٹ آئل تین فیصد کمی کے بعد کی قیمت 106ڈالر فی بیرل پر میں فروخت ہو رہا ہے۔
پاکستان کی یہ ثالثی کوشش نہ صرف خطے میں امن کے لیے اہم پیش رفت ثابت ہو سکتی ہے بلکہ عالمی سطح پر ملک کے مثبت تشخص کو بھی مزید مستحکم کرے گی۔
