غلام اکبر مروت
لکی مروت کے تھانہ سرائے نورنگ کی حدودپریڈ گراؤنڈ میں نامعلوم موٹر کارسواروں نے فائرنگ کرکے معروف عالم دین مولانا خالد آمین کو شہید کردیا۔
مولانا خالد امین کی لاش کو فوری طور پر تحصیل ہیڈکوارٹر ہسپتال سرائے نورنگ منتقل کردیا۔فائرنگ کے بعد حملہ آور فرار ہوگئے۔
پولیس نے واقعہ کی تحقیقات شروع کر دی ہے۔ملزمان کی تلاش جاری ہے۔ ابتدائی طور پرپولیس نے اس واقعہ کو ٹارگٹ کلنگ قراردیا ہے۔
واضح رہے کہ مولاناخالد امین امن کے داعی تھے اور لکی مروت میں قیام امن کیلئے کوششوں میں مصروف تھے۔
