امریکی صدر ڈونلڈ ٹرمپ نے کہا ہے کہ ایران کے پاس کچھ نہیں جبکہ تمام کارڈز امریکہ کے پاس ہیں، اور ایرانی جب چاہیں امریکا سے رابطہ کر سکتے ہیں۔
امریکی ٹی وی چینل فاکس نیوز کو دیے گئے انٹرویو میں صدر ٹرمپ نے کہا کہ امریکی وفد پاکستان نہیں جا رہا، جیرڈ کشنر اور اسٹیو وٹکوف پاکستان جانے کے لیے تیار تھے تاہم انہیں روک دیا گیا، ٹرمپ نے واضح کیا کہ وفد نہ بھیجنے کا مطلب یہ نہیں کہ جنگ شروع ہونے جا رہی ہے۔
انہوں نے کہا کہ وہ فی الحال دوبارہ جنگ کے بارے میں نہیں سوچ رہے اور سفارتکاری ٹیلیفون کے ذریعے بھی جاری رکھی جا سکتی ہے۔
NEW: President Trump details his decision to cancel U.S. negotiators Steve Witkoff and Jared Kushner’s planned trip to Pakistan for talks with Iran:
“We have all the cards. We’re not going to spend 15 hours in airplanes all the time going back and forth to be giving a document… pic.twitter.com/slBRMdJkH9
— Fox News (@FoxNews) April 25, 2026
صدر ٹرمپ نے ایران کی قیادت پر تنقید کرتے ہوئے کہا کہ وہاں شدید انتشار اور کنفیوژن موجود ہے اور یہ واضح نہیں کہ اصل اختیار کس کے پاس ہے، ایران کے پاس کوئی مضبوط پوزیشن نہیں جبکہ تمام برتری امریکہ کے پاس ہے۔
امریکی صدر ڈونلڈ ٹرمپ نے پاکستان کی قیادت کی تعریف بھی کی اور کہا کہ وزیراعظم اور فیلڈ مارشل بہترین شخصیات ہیں، انہوں نے پاکستان کو ایک اچھا ملک قرار دیا۔
