فرنٹیئر کور خیبرپختونخواہ نارتھ کی بہادر خواتین ملک کے دفاع میں مردوں کے شانہ بشانہ اہم کردار ادا کر رہی ہیں۔
خیبرپختونخواہ میں قیام امن اور ملک کے دفاع کے لئے فرنٹیئر کور نارتھ کی خواتین اہم کردار ادا کر رہی ہیں۔ گزشتہ دو دہائیوں سے فرنٹیئر کور خیبرپختونخواہ نارتھ کی خواتین سولجرز نے نہایت جرات اور جفاکشی سے امن کے قیام کے لئے مردوں کے شانہ بشانہ کام کیا ہے۔
دلیری اور جرات سے فرنٹیئر کور نارتھ کی خواتین نہ صرف سخت ملٹری تربیت حاصل کر رہی ہیں بلکہ دشوار گذار علاقوں میں بھی وطن کے دفاع کے لئے متحرک ہیں۔
چترال، دیر، باجوڑ، مہمند، خیبر، اورکزئ اور سوات میں قوم کی یہ قابل فخر بیٹیاں ملک کا دفاع کر رہی ہیں۔ پوری قوم ان بہادر بہنوں، اور بیٹیوں کو سلام پیش کرتی ہے۔
قوم کی ان بہادر خواتین کا کہنا ہے کہ وہ ملک کے دفاع اور ترقی میں خواتین کے کردار پر فخر محسوس کرتی ہیں۔
