بنگلہ دیش نیشنلسٹ پارٹی کے چیئرمین اور بنگلہ دیش کے وزیراعظم طارق رحمان نے کوئٹہ میں ہونے والے بم دھماکے پر گہرے دکھ اور افسوس کا اظہار کرتے ہوئے پاکستان سے یکجہتی کا اعلان کیا ہے۔
اپنے بیان میں انہوں نے کہا کہ کوئٹہ میں ہونے والے افسوسناک بم حملے میں قیمتی انسانی جانوں کے ضیاع اور متعدد افراد کے زخمی ہونے پر وہ انتہائی رنجیدہ ہیں۔
We are deeply saddened by the tragic bomb attack in Quetta, Pakistan, which claimed many innocent lives and left numerous others injured. On behalf of the people of Bangladesh, I extend our heartfelt condolences to the families of the victims and wish a swift recovery to those…
— Bangladesh Nationalist Party-BNP (@bdbnp78) May 24, 2026
انہوں نے جاں بحق افراد کے اہل خانہ سے دلی تعزیت اور ہمدردی کا اظہار کرتے ہوئے زخمیوں کی جلد صحتیابی کیلئے نیک خواہشات بھی پیش کیں۔
یہ بھی پڑھیں : کوئٹہ میں دہشت گردی کا ماسٹر مائنڈ ایک ’’مسنگ پرسن‘‘ نکلا
بنگلہ دیش کے وزیراعظم طارق رحمان نے کہا کہ بنگلہ دیش ہر قسم کی دہشت گردی اور تشدد کی سخت مذمت کرتا ہے اور اس مشکل وقت میں پاکستان کے ساتھ کھڑا ہے۔
انہوں نے مزید کہا کہ دہشت گردی خطے کے امن و استحکام کیلئے سنگین خطرہ ہے اور اس کے خاتمے کیلئے عالمی برادری کو مشترکہ اقدامات کرنا ہوں گے۔
