پاکستان کرکٹ ٹیم کے سابق کپتان وسیم اکرم کی جانب سے حج کی سعادت حاصل کرنے کے دوران ایک ویڈیو سوشل میڈیا پر تیزی سے وائرل ہو رہی ہے، جس نے صارفین کی توجہ حاصل کر لی ہے۔
مذکورہ ویڈیو میں دیکھا جا سکتا ہے کہ وسیم اکرم جمرات میں رمی کے دوران کنکریاں اپنے مخصوص بولنگ اسٹائل میں پھینکتے ہیں، جسے دیکھ کر سوشل میڈیا صارفین نے ان کے انداز کو کرکٹ بولنگ ایکشن سے تشبیہ دی ہے۔ ویڈیو میں وہ کنکریاں پھینکنے کے بعد وکٹ لینے جیسا جشن مناتے ہوئے بھی نظر آتے ہیں۔
Wasim Akram throws stones at the devil in his iconic bowling style during Hajj. pic.twitter.com/gjmqkqlhPl
— Thakur (@hassam_sajjad) May 27, 2026
اس ویڈیو کے وائرل ہونے کے بعد سوشل میڈیا پر مختلف آراء سامنے آ رہی ہیں۔ کچھ صارفین نے وسیم اکرم کے اس انداز کو دلچسپ اور منفرد قرار دیا ہے، جبکہ بعض صارفین کی جانب سے اسے حج جیسی مقدس عبادت کے ساتھ جوڑنے پر تنقید بھی کی جا رہی ہے۔
یہ بھی پڑھیں : گرمی نے ڈیرے ڈال دیے، مگر بادل کہاں اور کب برسیں گے؟ محکمہ موسمیات نے بتا دیا
اس موقع پر سابق قومی کپتان مصباح الحق اور قومی کرکٹر شرجیل خان بھی ان کے ہمراہ موجود تھے جنہوں نے بھی حج کی سعادت حاصل کی۔
اس سے قبل بھی وسیم اکرم اور مصباح الحق کی سابق اوپنر سعید انور کے ساتھ لی گئی تصاویر سوشل میڈیا پر وائرل ہو چکی ہیں، جنہیں مداحوں کی جانب سے خوب پذیرائی ملی تھی۔
سوشل میڈیا پر اس معاملے پر بحث جاری ہے اور صارفین مختلف نوعیت کے تبصرے کر رہے ہیں۔
