وزیراعظم شہباز شریف اور اپوزیشن لیڈر محمود خان اچکزئی کے درمیان چیف الیکشن کمشنر اور الیکشن کمیشن کے نئے ارکان کی تقرری کے معاملے پر رابطہ ہوا ہے۔
ذرائع کے مطابق وزیراعظم شہباز شریف نے اپوزیشن لیڈر محمود خان اچکزئی کے خط کا جواب بھجوا دیا ہے، جو انہیں موصول ہوگیا ہے۔
ذرائع کا کہنا ہے کہ وزیراعظم نے خط میں الیکشن کمیشن میں نئی تقرریوں کے لیے آئینی طریقہ کار پر عملدرآمد کی یقین دہانی کرائی ہے۔
چیف الیکشن کمشنر اور الیکشن کمیشن کے نئے ارکان کی تقرری کے حوالے سے مشاورت آئینی تقاضوں کے مطابق آگے بڑھانے پر بھی بات ہوئی ہے۔
یہ بھی پڑھیں: اپوزیشن لیڈ کا وزیراعظم کو خط، چیف الیکشن کمشنر اور کمیشن کے 2 ارکان کی فوری تعیناتی کا مطالبہ
واضح رہے کہ سابق اپوزیشن لیڈر عمر ایوب نے بھی چیف الیکشن کمشنر کی تقرری کے لیے خط لکھا تھا۔
