خیبر: پاکستان اور افغانستان کے حکام کے درمیان طورخم بارڈر پر آج فلیگ میٹنگ ہوگی، جس میں دونوں جانب کے حکام شامل ہوں گے۔
اس میٹنگ کا مقصد طورخم بارڈر کو دوبارہ کھولنے کے حوالے سے مذاکرات کرنا ہے، تاکہ سرحد پر آمدورفت کو بحال کیا جا سکے۔
ذرائع کے مطابق، اس میٹنگ میں طورخم کسٹم سٹاف کو ڈیوٹی کے لیے طلب کیا گیا ہے، اور اگر دونوں ممالک کے حکام میں اتفاق ہوتا ہے تو طورخم بارڈر مال بردار گاڑیوں کے لیے کھول دیا جائے گا۔
طورخم بارڈر کی بندش کا آج 26 واں دن ہے، جس کے نتیجے میں دونوں طرف کی تجارت متاثر ہو رہی ہے اور کاروباری سرگرمیاں معطل ہیں۔
یہ بھی پڑھیں تورخم بارڈر کی بندش کے خلاف خیبرپختونخوا اسمبلی میں قرارداد پیش
روزانہ کی بنیاد پر تجارت کو 3 ملین ڈالرز کا نقصان ہو رہا ہے، جس سے اب تک مجموعی طور پر 78 ملین ڈالر کا معاشی نقصان ہو چکا ہے۔
اگر طورخم بارڈر کھول دیا جاتا ہے تو یہ دونوں ممالک کی تجارت کے لیے ایک اہم قدم ثابت ہوگا، جو کہ اقتصادی سرگرمیوں کی بحالی میں مددگار ثابت ہو گا۔
