پشاور: خیبرپختونخوا پبلک سروس کمیشن نے صوبائی مینجمنٹ سروس (PMS) کے بی پی ایس 17 افسران کی آسامیوں کے لیے تحریری امتحانات کا نظرثانی شدہ شیڈول جاری کر دیا ہے۔ امتحانات 30 دسمبر 2026 سے شروع ہو کر 16 جنوری 2027 تک جاری رہیں گے۔
جاری کردہ شیڈول کے مطابق لازمی مضامین کے امتحانات 30 دسمبر 2026 سے 5 جنوری 2027 تک منعقد ہوں گے، جبکہ اختیاری مضامین کے پرچے 6 جنوری سے شروع ہوں گے۔ امیدواروں کو امتحانات کی تیاری اور شیڈول کے مطابق شرکت کرنے کی ہدایت کی گئی ہے۔
لازمی مضامین کے امتحانات کا شیڈول
پبلک سروس کمیشن کے مطابق 30 دسمبر کو انگریزی مضمون نویسی، 31 دسمبر کو انگریزی پریسی اور کمپوزیشن، یکم جنوری کو جنرل نالج، 2 جنوری کو جنرل نالج، 4 جنوری کو پاکستان افیئرز اور 5 جنوری کو اسلامیات کا امتحان لیا جائے گا۔
تمام لازمی مضامین کے پرچے صبح 9 بجے سے دوپہر 12 بجے تک ہوں گے۔
اختیاری مضامین کے امتحانات 6 جنوری سے شروع
شیڈول کے مطابق اختیاری مضامین کے امتحانات 6 جنوری 2027 سے شروع ہوں گے۔ اس روز تاریخ کا پرچہ ہوگا، جبکہ 7 جنوری کو سیاسیات اور جنگلات کے امتحانات منعقد کیے جائیں گے۔
یہ بھی پڑھیں : پی ٹی آئی دورِ حکومت 2024-25ء میں مزید 18 ارب 46 کروڑ کی بے قاعدگیاں سامنے آگئیں
اسی طرح 8 جنوری کو انگریزی، فارسی، عربی، اردو ادب اور پشتو کے پرچے ہوں گے، جبکہ 9 جنوری کو قانون، بین الاقوامی قانون اور بین الاقوامی تعلقات کے امتحانات لیے جائیں گے۔
امتحانی اوقات کے مطابق صبح کے پرچے 9 بجے سے دوپہر 12 بجے تک، جبکہ شام کے پرچے دوپہر 2 بجے سے شام 5 بجے تک منعقد ہوں گے۔
امتحانات کا مجموعی شیڈول 16 جنوری 2027 تک جاری رہے گا۔ امیدواروں کو مشورہ دیا گیا ہے کہ وہ پبلک سروس کمیشن کی جانب سے جاری کردہ نظرثانی شدہ شیڈول کے مطابق اپنی تیاری مکمل کریں اور امتحانات کی تاریخوں اور اوقات کا خصوصی خیال رکھیں۔
