پنجاب اور خیبرپختونخوا کے سرحدی علاقے جھنگی میں دہشت گردوں نے پولیس چیک پوسٹ پر حملہ کر دیا۔
پولیس کے مطابق، دہشت گردوں نے پولیس چوکی پر راکٹ فائر کیے، جس کے بعد پولیس نے فوری طور پر جوابی کارروائی کی۔
پولیس نے تھرمل کیمروں کی مدد سے دہشت گردوں کی موجودگی کا سراغ لگایا اور بھرپور جوابی کارروائی کی۔ اس کارروائی کے دوران ایک دہشت گرد مارا گیا، جبکہ باقی دہشت گرد فرار ہونے میں کامیاب ہو گئے۔ خوش قسمتی سے حملے میں پولیس کا کوئی جانی نقصان نہیں ہوا۔
یہ حملہ پنجاب اور خیبرپختونخوا کے سرحدی علاقے میں رواں ماہ دہشت گردوں کا آٹھواں حملہ تھا، جو ان دونوں صوبوں کی سرحدی سلامتی کے لیے ایک سنگین چیلنج بن چکا ہے۔
یہ بھی پڑھیں کوہاٹ میں مسلم آباد پولیس چیک پوسٹ پر نامعلوم افراد کا حملہ
پولیس نے دہشت گردوں کے خلاف مزید کارروائیوں کا عزم ظاہر کیا ہے تاکہ ان عناصر کا قلع قمع کیا جا سکے۔
