یورپ میں اعلیٰ تعلیم کا سنہری موقع، پاکستانی طلبہ جلد اپلائی کریں

اٹلی: اٹلی کی معروف جامعہ Ca’ Foscari University of Veniceنے تعلیمی سال 2026/2027 کے لیے بیچلر اور ماسٹرز پروگرامز میں داخلہ لینے والے نمایاں کارکردگی کے حامل بین الاقوامی طلبہ، بشمول پاکستانی طلبہ، کے لیے قابلِ تجدید میرٹ اسکالرشپس کا اعلان کر دیا ہے۔

یونیورسٹی کے مطابق عالمی تعلیمی سرگرمیوں کو فروغ دینے کے عزم کے تحت ہر سال 10 ہزار یورو مالیت کی اسکالرشپس دی جائیں گی، جو ڈگری کے مکمل دورانیے تک قابلِ تجدید ہوں گی۔

اسکالرشپ کی تفصیلات

بیچلر پروگرام کے لیے:

8 آنرز اسکالرشپس
10 ہزار یورو سالانہ
تین سال تک قابلِ تجدید

ماسٹرز پروگرام کے لیے:

20 آنرز اسکالرشپس
10 ہزار یورو سالانہ
دو سال تک قابلِ تجدید

یہ بھی پڑھیں : ای سی سی نے 5 لاکھ ٹن گندم فروخت کی منظوری دے دی، قیمتیں بھی طے

یونیورسٹی میں پروگرامز اطالوی اور انگریزی دونوں زبانوں میں دستیاب ہیں، جس سے بین الاقوامی طلبہ کے لیے داخلہ آسان بنایا گیا ہے۔

اہلیت اور جانچ کا معیار

امیدواروں کی درجہ بندی درج ذیل بنیادوں پر کی جائے گی:

کم از کم 85 فیصد کے مساوی CGPA
موٹیویشنل ویڈیو (سرکاری ہدایات کے مطابق)
سفارشی خط/خطوط

بیچلر امیدوار: ایک سفارشی خط
ماسٹرز امیدوار: کم از کم ایک، زیادہ سے زیادہ دو سفارشی خطوط
زبان کی مہارت کا سرٹیفکیٹ (پروگرام کی زبان کے مطابق)

درخواست جمع کرانے کی آخری تاریخ

اسکالرشپ کے لیے درخواستیں 31 مارچ 2026، دوپہر 1 بجے (CEST) تک جمع کرائی جا سکیں گی۔

یہ تاریخ ان امیدواروں پر لاگو ہوگی جو درج ذیل داخلہ مراحل میں داخلہ حاصل کریں گے:

پہلا داخلہ مرحلہ: 17 دسمبر 2025 تا 14 جنوری 2026
دوسرا داخلہ مرحلہ: 4 فروری 2026 تا 4 مارچ 2026

درخواست دینے کا طریقہ

امیدوار پہلے اپنی پسند کے پروگرام میں داخلے کے لیے apply.unive.it پر رجسٹریشن مکمل کریں۔
اس کے بعد اپنے ورچوئل اطالوی ٹیکس کوڈ کے ذریعے اسکالرشپ پورٹل میں لاگ اِن کر کے درخواست جمع کرائیں۔

درخواست کے ساتھ درج ذیل دستاویزات اپ لوڈ کرنا لازمی ہوگا: