مردان : مردان کے علاقے رستم میں دوبئی اڈہ چوکی پر آج نامعلوم مسلح افراد نے حملہ کیا، تاہم پولیس کی فوری اور بھرپور کارروائی کے بعد حملہ آور موقع سے فرار ہونے میں کامیاب ہو گئے۔
مردان پولیس کے مطابق حملے کے دوران خوش قسمتی سے کوئی جانی نقصان نہیں ہوا۔ پولیس نے علاقے کو فوری طور پر ہائی الرٹ کر دیا ہے اور سیکیورٹی کے اقدامات سخت کر دیے گئے ہیں تاکہ کسی بھی ممکنہ خطرے کو بروقت کنٹرول کیا جا سکے۔
حکام کا کہنا ہے کہ علاقے میں سرچ آپریشن جاری ہے اور مسلح افراد کو پکڑنے کے لیے مختلف مقامات پر چھاپے مارے جا رہے ہیں۔ پولیس کی ٹیمیں چوکی کے اطراف اور ممکنہ فرار کے راستوں پر گشت بڑھا دی گئی ہیں۔
پولیس ذرائع نے بتایا کہ حملہ آوروں کے ہتھیار اور ان کے استعمال کے طریقہ کار کی تحقیقات کی جا رہی ہیں۔
مردان پولیس نے عوام سے اپیل کی ہے کہ وہ علاقے میں غیر ضروری نقل و حرکت سے گریز کریں اور کسی بھی مشکوک سرگرمی کی اطلاع فوری طور پر حکام کو دیں۔
یہ بھی پڑھیں : پشاور: رات گئے تھانہ ریگی ماڈل ٹاؤن نے علاقے کو بڑی تباہی سے بچا لیا
یاد رہے کہ گزشتہ رات پشاور کے تھانہ ریگی ماڈل ٹاؤن کے علاقے میں دہشت گردوں نے پولیس پر حملہ کیا، لیکن پولیس جوانوں کی تیز اور پیشہ ورانہ کارروائی کے باعث حملہ ناکام بن گیا۔
پولیس کے مطابق حملے میں دہشت گردوں نے اسنائپر گن کا بھی استعمال کیا، تاہم پولیس کی بروقت ردعمل اور بھرپور حفاظتی اقدامات کی بدولت کوئی جانی نقصان نہیں ہوا۔
پولیس حکام کے مطابق حملے کے بعد علاقے میں فوری سرچ آپریشن شروع کر دیا گیا ہے تاکہ دہشت گردوں کے ممکنہ ٹھکانوں کا پتہ لگا کر انہیں گرفتار کیا جا سکے اور عوامی تحفظ یقینی بنایا جا سکے۔
تھانہ ریگی ماڈل ٹاؤن کے پولیس اہلکاروں نے نہ صرف اپنی جان کی پرواہ کیے بغیر دشمن کا مقابلہ کیا بلکہ حملہ آوروں کو پسپا کرنے میں کامیابی حاصل کی۔
پولیس ترجمان نے بتایا کہ اس کارروائی سے یہ واضح ہوتا ہے کہ پشاور پولیس عوامی تحفظ کے لیے ہر لمحہ تیار ہے اور دہشت گرد عناصر کے کسی بھی خطرے کا بھرپور جواب دینے کی صلاحیت رکھتی ہے۔
