اسلام آباد: وفاقی دارالحکومت اسلام آباد میں امریکہ اور ایران کے درمیان امن مذاکرات کے پیش نظر سکیورٹی انتظامات سخت کر دیے گئے ہیں۔
ترجمان اسلام آباد ٹریفک پولیس کے مطابق 9 اور 10 اپریل کو شہر کے اہم راستے بند رہیں گے، جس کی وجہ سے ٹریفک کی روانی متاثر ہو گی۔ شہریوں کی سہولت کے لیے متبادل راستے بھی متعارف کرائے گئے ہیں تاکہ آمد و رفت میں کم سے کم رکاوٹ پیش آئے۔
پشاور سے راولپنڈی آنے والی گاڑیاں جی ٹی روڈ کی بجائے ٹیکسلا موٹروے، چکری، چک بیلی روڈ اور روات کے راستے سے سفر کریں گی۔
اسی طرح لاہور سے پشاور جانے والی ٹریفک کو بھی انہی متبادل راستوں کی ہدایت دی گئی ہے۔ اس اقدام کا مقصد اہم غیر ملکی وفود کی آمد کے دوران سکیورٹی کو یقینی بنانا اور ممکنہ ہنگامی حالات سے بچاؤ کرنا ہے۔
مارگلہ روڈ کے سیکٹرز ایف-6، جی-5، جی-6 اور جی-7 سے راولپنڈی جانے والے افراد کو نائنٹھ ایونیو استعمال کرنے کی ہدایت دی گئی ہے جبکہ فیصل ایونیو سے زیرو پوائنٹ جانے والی ٹریفک کو بھی نائنٹھ ایونیو کی جانب موڑ دیا جائے گا تاکہ سڑکوں پر دباؤ کم کیا جا سکے۔
ٹریفک پولیس نے شہریوں سے درخواست کی ہے کہ وہ متبادل راستے اختیار کریں اور سکیورٹی انتظامات میں پولیس اور دیگر متعلقہ اداروں کا تعاون کریں۔
یہ بھی پڑھیں : دنیا کی نظریں پاکستان پر، امریکا ایران وفود آج اسلام آباد پہنچیں گے
9 اور 10 اپریل کو اسلام آباد میں ہر قسم کی جیومی ٹریفک مکمل بند رہے گی، جس کی وجہ سے ریڈ زون میں آنے جانے والی گاڑیاں اور عوام الناس کو مکمل بندش کا سامنا کرنا پڑے گا۔
مزید معلومات اور ٹریفک کی تازہ ترین صورتحال جاننے کے لیے آئی ٹی پی کے 92.4 وائس ریپ چینل کو بھی چیک کیا جا سکتا ہے جہاں سے رہنمائی فراہم کی جائے گی۔
یہ تمام اقدامات پاکستان میں بین الاقوامی سطح پر جاری امن مذاکرات کی کامیابی کو یقینی بنانے اور غیر ملکی وفود کی حفاظت کے لیے کیے جا رہے ہیں۔
شہریوں کی سہولت اور ملک کی سیکیورٹی کو ملحوظ خاطر رکھتے ہوئے حکومت کی جانب سے متبادل راستے بروقت جاری کیے گئے ہیں تاکہ شہریوں کو کم سے کم مشکلات کا سامنا ہو۔
