پاکستان تحریک انصاف (پی ٹی آئی) کے رہنما اظہر مشوانی نے خیبر پختونخوا کے ضلع کوہستان میں بڑے پیمانے پر جنگلات کی کٹائی سے متعلق اپنی ٹویٹ حقائق سامنے آنے (فیکٹ چیک) کے بعد ڈیلیٹ کر دی ہے۔
سوشل میڈیا پر کوہستان میں جنگلات کی بے دریغ کٹائی کی ویڈیوز وائرل ہونے کے بعد اظہر مشوانی نے دعویٰ کیا تھا کہ یہ ویڈیوز جعلی ہیں اور پاکستان کی نہیں ہیں۔
تاہم ایکس (سابقہ ٹویٹر) پر مقامی ذرائع نے ان کے دعوے کی تردید کرتے ہوئے ثابت کیا کہ مذکورہ ویڈیوز ایک مقامی ٹک ٹاکر کی ہیں جس کا تعلق خیبر پختونخوا کے ضلع کوہستان سے ہے۔
Azhar Mashwani first claimed that a viral clip of industrial scale deforestation was from Afghanistan, not KPK.
But after being fact-checked with evidence of forests being wiped out by the timber mafia in KPK under PTI government, he finally deleted his tweet.@MashwaniAzhar https://t.co/ZY28knshOv pic.twitter.com/r9mtUICfcq
— Cyborg 🇵🇰🍁 (@cyborg_reborn) April 24, 2026
ان ویڈیوز میں دیکھا جا سکتا ہے کہ لکڑی کی اسمگلنگ کے لیے جنگل کے بیچوں بیچ کلومیٹر طویل راستہ بنایا گیا ہے جو گزشتہ سال کے تباہ کن سیلاب کے باوجود ٹمبر مافیا کی بے خوفی کا منہ بولتا ثبوت ہے۔
سوشل میڈیا صارفین نے اس پر گہری تشویش کا اظہار کرتے ہوئے کہا ہے کہ پی ٹی آئی کے زیر انتظام خیبر پختونخوا میں جنگلات کا صفایا کیا جا رہا ہے اور ٹمبر مافیا کو مستقبل کی نسلوں کی خاطر کٹہرے میں لانا ضروری ہے۔
فیکٹ چیکر کے مطابق ویڈیو اپ لوڈ کرنے والے شخص کی لوکیشن اور شناخت کی تصدیق ہو چکی ہے۔ ثبوت کے طور پر ٹک ٹاک اکاؤنٹ، لوکیشن اور ویڈیو کے آخری حصے میں ٹک ٹاکر کا خود کیمرے کے سامنے آنا شامل ہے۔
کوہستان کے مقامی صحافیوں نے بھی پشتون ڈیجیٹل کو تصدیق کی ہے کہ یہ ویڈیوز حالیہ ہیں اور کوہستان کے مقام پر ہی فلمائی گئی ہیں۔
