اسلام آباد: معروف صحافی اور اینکر پرسن کامران شاہدنے اپنے ایک بیان میں کہا ہے کہ 28ویں آئینی ترمیم سے متعلق سوشل میڈیا اور بعض میڈیا حلقوں میں گردش کرنے والی قیاس آرائیاں اور افواہیں حقیقت سے دور ہیں۔
اپنے ایک ٹوئٹ میں انہوں نے بتایا کہ جب اس معاملے سے براہِ راست آگاہ افراد سے رابطہ کیا گیا تو انہوں نے ان افواہوں اور غیر مصدقہ خبروں پر حیرت کے بجائے واضح طور پر مسکراہٹ اور ہنسی کا اظہار کیا، اور انہیں محض بے بنیاد قیاس آرائی قرار دیا۔
When individuals with direct insight into these matters were approached regarding the widely debated 28th Amendment, they responded with noticeable amusement at the rumors and speculation being aggressively propagated in certain media circles by a few overly anxious individuals.
— Kamran Shahid (@FrontlineKamran) May 17, 2026
کامران شاہد کے مطابق بعض حلقوں کی جانب سے 28ویں آئینی ترمیم کے حوالے سے غیر ضروری طور پر خدشات اور قیاس آرائیاں پھیلائی جا رہی ہیں، جن کی کوئی مستند بنیاد موجود نہیں۔
یہ بھی پڑھیں : تربت میں حملے سے متعلق سوشل میڈیا دعویٰ جھوٹا اور من گھڑت قرار، بی ایل اے سے منسوب پروپیگنڈا بے نقاب
یاد رہے کہ حالیہ دنوں میں 28ویں آئینی ترمیم سے متعلق مختلف دعوے اور بحث سوشل میڈیا پر موضوعِ گفتگو بنی ہوئی ہے، تاہم اس حوالے سے سرکاری یا باقاعدہ سطح پر کسی بھی حتمی پیش رفت کی تصدیق سامنے نہیں آئی۔
