مالاکنڈ کے علاقے بٹ خیلہ میں راستے کے تنازع پر دو فریقین کے درمیان مسلح تصادم ہوا ہے، جس کے نتیجے میں دو افراد جاں بحق اور ایک بچی سمیت چار افراد زخمی ہو گئے۔
لیویز حکام کے مطابق دونوں گروپوں کے درمیان جھگڑے کے دوران فائرنگ کا تبادلہ ہوا، جس کی زد میں آ کر محمد اور علی اکبر نامی شخص جاں بحق ہو گئے۔
واقعے میں زخمی ہونے والے چاروں افراد کو فوری طور پر قریبی ہسپتال منتقل کیا گیا ہے جہاں انہیں طبی امداد دی جا رہی ہے۔
واقعے کے بعد لیویز فورس نے کارروائی کرتے ہوئے ایک ملزم کو حراست میں لے کر تفتیش شروع کر دی ہے جبکہ ہسپتال میں کسی بھی ممکنہ کشیدگی کو روکنے کے لیے لیویز اہلکار تعینات کر دیے گئے ہیں۔
