اسلام آباد:پاکستان تحریک انصاف( پی ٹی آئی) رہنما مہربانو قریشی نے وزیر اطلاعات خیبرپختونخوا شفیع جان کی جانب سے وزیر اعلیٰ پنجاب مریم نواز پر کی جانے والی تنقید کی مذمت کرتے ہوئے ان سے اپنے الفاظ واپس لینے اور معافی مانگنے کا مطالبہ کیا ہے۔
سوشل میڈیا پر جاری اپنے بیان میں مہربانو قریشی نے کہا کہ مریم نواز اور ان کے قریبی ساتھیوں پر تنقید کے لیے بہت کچھ موجود ہے، تاہم ان کے خلاف غیر پارلیمانی اور غیر شائستہ زبان استعمال کرنا غلط اور انتہائی توہین آمیز ہے۔
An apology is due. There is a lot to criticise when it comes to Maryam Nawaz and her coterie of hand maidens but the unparliamentary and ungentlemanly language used is wrong and deeply offensive. As a woman and a fellow party member I would urge my brother @ShafiJanPTI to retract…
— Meher Bano Qureshi (@MeherBanoQ) September 12, 2026
انہوں نے کہا کہ وہ ایک خاتون اور پارٹی کی ساتھی رکن کی حیثیت سے اپنے بھائی شفیع جان پر زور دیتی ہیں کہ وہ اپنے الفاظ واپس لیں اور اس پر معذرت کریں۔
یہ بھی پڑھیں : شفیع جان مریم نواز پر تنقید سے پہلے خیبرپختونخوا حکومت کی کارکردگی کا حساب دیں، رحمت سلام خٹک
مہربانو قریشی کا کہنا تھا کہ پنجاب اسمبلی میں استعمال کی جانے والی انتہائی نامناسب زبان ان ارکان کی اپنی تربیت کی عکاسی کرتی ہے۔
پی ٹی آئی رہنما نے مزید کہا کہ ہمیں دوسروں کی سطح تک نہیں گرنا چاہیے اور نہ ہی ایسی زبان اور طرزِ عمل اختیار کرنا چاہیے۔
