عالمی مارکیٹ میں سونے کی قیمت میں جمعہ کے روز معمولی اضافہ ریکارڈ کیا گیا، جس کی بنیادی وجوہات میں عالمی سطح پر تیل کی قیمتوں میں کمی اور امریکی ڈالر کی قدر میں محدود اتارچڑھاؤ کو قرار دیا جا رہا ہے۔ دوسری جانب سرمایہ کاروں کی نظریں مشرق وسطیٰ کی صورتحال اور دنیا بھر کے مرکزی بینکوں کی آئندہ مانیٹری پالیسی کے ممکنہ رخ پر مرکوز ہیں۔
رپورٹس کے مطابق عالمی منڈی میں اسپاٹ گولڈ کی قیمت 0.2 فیصد اضافے کے بعد 4,346.65 ڈالر فی اونس تک پہنچ گئی، جبکہ امریکی گولڈ فیوچرز کی قیمت 0.3 فیصد کمی کے بعد 4,385.70 ڈالر فی اونس ریکارڈ کی گئی۔
ادھر عالمی منڈی میں خام تیل کی قیمتوں میں بھی تقریباً ایک فیصد کمی دیکھی گئی۔ حالیہ بلند ترین سطح سے نیچے آنے کے بعد امریکی ڈالر کی قدر میں محدود اتارچڑھاؤ نے بھی سونے کی قیمتوں کو متاثر کیا۔
