پاکستان میں غیر قانونی طور پر مقیم افغان باشندوں اور افغان سٹیزن کارڈ ہولڈرز کو واپس بھیجنے کے لیے حکومت پاکستان نے 31 مارچ 2025 تک کی ڈیڈلائن مقرر کی ہے۔ اس فیصلے کے تحت، غیر قانونی مقیم افراد کو پاکستان چھوڑنے کے لیے صرف 7 دن باقی ہیں۔
23 مارچ 2025 تک، 876,576 غیر قانونی افغان باشندے پاکستان چھوڑ چکے ہیں، اور یہ انخلا کا عمل مسلسل جاری ہے۔ پاکستان حکومت نے اس بات کی یقین دہانی کرائی ہے کہ ان افراد کو واپس بھیجنے کے دوران ان کے ساتھ کسی قسم کی بدسلوکی نہیں کی جائے گی۔
حکومت پاکستان نے ان افراد کے لیے خوراک اور صحت کی سہولتوں کا انتظام مکمل کر لیا ہے تاکہ ان کی واپسی کا عمل آسان اور محفوظ ہو سکے۔ اس کے علاوہ پاکستانی حکام نے اس بات کو یقینی بنایا ہے کہ انخلا کے دوران کوئی انسانی حقوق کی خلاف ورزی نہ ہو۔
حکومت کا کہنا ہے کہ 31 مارچ تک ان افراد کے پاکستان چھوڑنے کے عمل کی تکمیل ہو جائے گی، اور اس کے بعد متعلقہ افراد کے خلاف سخت قانونی کارروائی کی جائے گی۔
یہ بھی پڑھیں صدر اور وزیراعطم کا پاک افغان سرحد پر دراندازی کی کوشش ناکام بنانے پر سیکیورٹی فورسز کو خراج تحسین
پاکستان کے فیصلے کے بارے میں عالمی سطح پر مختلف ردعمل سامنے آ رہے ہیں، تاہم حکومت پاکستان نے اپنے موقف کی وضاحت کرتے ہوئے کہا کہ یہ اقدام پاکستان کے داخلی تحفظ اور قانون کی حکمرانی کے لیے ضروری تھا۔
