آئی جی خیبر پختونخوا ذوالفقار حمید نے کہا ہے کہ دارالعلوم حقانیہ اکوڑہ خٹک اور بنوں کینٹ پر حملوں میں ملوث نیٹ ورک کا سراغ لگا لیا ہے ۔
تفصیلات کے مطابق آجی جی خیبر پختونخوا ذوالفقار حمید نے کہا ہے کہ دونوں کیسز میں اہم شواہد ملے ہیں ، دونوں واقعات سے متعلق کئی افراد کو حراست میں لیا ہے ،مزید گرفتاریوں کے بعد تفصیلات شیئر کی جائیں گی ۔
واضح رہے کہ بنوں کینٹ پر ہونیوالے حملے میں سکیورٹی فورسز نے 16خوارج کو جہنم واصل کیاتھا جبکہ مقابلے میں فورسز کے 6جوان بھی شہید ہوئے تھے ۔
نوشہرہ میں دارالعلوم حقانیہ اکوڑہ خٹک میں ہونیوالے خود کش حملے میں سربراہ جے یو آئی مولانا حامد الحق سمیت 6افراد شہید ہوئے تھے ۔
