وزیر پٹرولیم علی پرویز ملک نے کہا ہے کہ بل پر صوبوں کے وزرائےاعلیٰ سے اتفاق ہوا ہے ، علی امین گنڈاپور ،مریم نواز ، مراد علی شاہ ، سرفراز بگٹی نے دستخط کئے ۔
تفصیلات کے مطابق وزیر پٹرولیم علی پرویز ملک نے کہا ہے کہ بلوچستان کے اندر آگ لگی ہے کیا ہم صوبے کو جلنے دیں ؟ حکومت نے وسائل کا رخ بلوچستان کی طرف کیا ہے حکومت نے ایک مشکل فیصلہ لیا ، ہم نے بلوچستان کی محرومیوں کو دور کرنا ہے ، وزیراعلیٰ سرفراز بگٹی اور خالد مگسی نے وفاق کے فیصلے کو سراہا ۔
انہوں نے کہاکہ بلوچستان کے لوگوں کا مطالبہ تھاخونی سڑک سے جان چھڑادیں ، ایک صوبے کی تکلیف کا مداوا کرنا چاہتے ہیں ، دشمن بلوچستان کو توڑ نے کی کوششوں میں لگے ہیں ۔
انہوں نے مزید کہا کہ بجلی کی قیمتوں میں ساڑھے 7روپے کمی کرکے عوام کو ریلیف دیا گیا ۔
