محکمہ موسمیات نے ملک کے چند مقامات پر گرج چمک کیساتھ بارش کی پیشگوئی کردی ۔
آج ملک کے بیشتر علاقوں میں موسم گرم اور خشک جبکہ جنوبی علاقوں میں شدید گرم رہنے کا امکان ہے ، رات میں بالائی خیبر پختونخوا ،کشمیر اور گلگت بلتستان میں چند مقامات پر تیز ہوائیں چلنے اور گرج چمک کیساتھ بارش کی پیشگوئی کی گئی ہے ۔
آج اسلام آباد اور گردونواح میں دن کے دوران موسم گرم اور خشک رہنے کی توقع ہے ،پنجاب کے بیشتر اضلاع میں موسم گرم اور خشک رہنے کا امکان ہے ۔
مری ،گلیات اور گردونواح میں مطلع جزوی ابر آلود رہنے کے علاوہ تیز ہوائوں اور گرج چمک کیساتھ چند مقامات پر بارش ہونے کی توقع ہے ۔
