بلوچستان کے ضلع مستونگ میں سیکیورٹی فورسز نے دہشت گردوں کے خلاف ایک بڑی اور کامیاب کارروائی کرتے ہوئے کالعدم تنظیم بی ایل اے کے چھ دہشت گردوں کو ہلاک کر دیا ہے۔
یہ کارروائی مستونگ کے علاقے کلی پدہ میں ایک خفیہ اطلاع پر کیے گئے سرچ آپریشن کے دوران عمل میں آئی۔ آپریشن کے دوران علاقے میں چھپے ہوئے دہشت گردوں نے سیکیورٹی فورسز کو دیکھتے ہی اندھا دھند فائرنگ شروع کر دی جس پر فورسز نے فوری اور مؤثر جوابی کارروائی کی۔
سیکیورٹی فورسز اور دہشت گردوں کے درمیان ہونے والے اس شدید مقابلے کے نتیجے میں کالعدم بی ایل اے سے تعلق رکھنے والے تمام چھ دہشت گرد موقع پر ہی ٹھکانے لگا دیے گئے۔
