بلوچستان کے ضلع نوشکی کے علاقے کلی رحمان میں سیکیورٹی فورسز نے دہشت گردوں کی جانب سے امن کو سبوتاژ کرنے کی کوشش ناکام بناتے ہوئے دو بھارتی حمایت یافتہ دہشت گردوں کو ہلاک جبکہ دو کو زخمی کردیا ۔
سیکیورٹی ذرائع کےمطابق سیکیورٹی فورسز کو اطلاع ملی کہ بھارتی حمایت یافتہ دہشت گردوں ناکہ بندی کی ہے جس پر فوری کارروائی عمل میں لائی گئی جس کے نتیجے میں دو دہشت گرد مارے گئے جبکہ دو زخمی حالت میں فرار ہو گئے۔
آپریشن کے دوران دہشت گردوں نے خود کو بچانے کے لیے وہاں موجود مزدوروں کو انسانی ڈھال کے طور پر استعمال کیا اور چار سندھی مزدوروں کو بھی اغوا کر لیا ہے ۔
سیکیورٹی فورسز نے متاثرہ علاقے کا مکمل گھیراؤ کرتے ہوئے بڑے پیمانے پر سرچ آپریشن کا آغاز کر دیا ہے۔ فورسز کا اولین مقصد مغوی مزدوروں کی باحفاظت بازیابی اور فرار ہونے والےدہشت گردوں کا سراغ لگانا ہے۔
