خیبرپختونخوا میں کابینہ کی توسیع کے معاملے پر سیاسی ناراضگی سامنے آگئی ہے، کوہاٹ سے منتخب رکن صوبائی اسمبلی داود آفریدی بھی وزیراعلیٰ سے نالاں دکھائی دیتے ہیں۔
ایم پی اے داود آفریدی نے سوشل میڈیا پلیٹ فارم پر ٹویٹ کرتے ہوئے اپنی ناراضگی کا اظہار کیا اور کہا کہ یہ وقت کی بات ہے، کوئی اقتدار میں ہوتا ہے اور کوئی اقتدار سے باہر، مگر وقت کبھی نہیں رکتا اور وقت بہت بے رحم ہوتا ہے۔
It is a matter of time; some are in power, and some are without power, but time does not stop, and time is very relentless.
— Daud Afridi (@DaudShahAfridi) May 17, 2026
دوسری جانب صوبائی وزیر نیک محمد نے کابینہ میں تقرریوں پر سخت تحفظات کا اظہار کرتے ہوئے کہا کہ نئے افراد کو میرٹ کے بجائے دیگر بنیادوں پر شامل کیا گیا ہے۔
یہ بھی پڑھیں: کے پی کابینہ میں نئے چہروں کی شمولیت پر پی ٹی آئی کے اندر اختلافات سامنے آگئے
ان کا کہنا تھا کہ وزیراعلیٰ ان کا فون تک اٹھانے کے لیے تیار نہیں جبکہ وہ وزارت کے لیے رابطہ نہیں کرتے بلکہ صرف مسائل اجاگر کرنے کے لیے بات کرتے ہیں۔
