پشاور کے علاقے پشتخرہ بالا میں افسوسناک واقعہ پیش آیا ہے جہاں ایک نوجوان کو تیز دھار آلے سے قتل کر دیا گیا۔
مقتول کے والد کے مطابق ان کا بیٹا صبح 7 بجے قربانی کے سلسلے میں گھر سے نکلا تھا، تاہم دوپہر کو واپس آنے پر گھر میں بیٹے کی لاش موجود تھی۔
والد نے مزید بتایا کہ نامعلوم ملزمان گھر سے 25 لاکھ روپے بھی لے گئے ہیں، جس کے بعد واقعے کی نوعیت مزید مشکوک ہو گئی ہے۔
دوسری جانب پولیس نے جائے وقوعہ سے شواہد اکٹھے کر لیے ہیں اور واقعے کی مختلف پہلوؤں سے تفتیش شروع کر دی ہے۔ حکام کے مطابق ملزمان کی تلاش جاری ہے اور جلد گرفتاری کے لیے کوششیں تیز کر دی گئی ہیں۔
