پاکستان بھر کے عوام کے لیے بڑی خوشخبری سامنے آئی ہے کہ پیٹرولیم مصنوعات کی قیمتوں میں مسلسل تیسری بار کمی ہونے جا رہی ہےجس کا حتمی فیصلہ آج پیٹرولیم مصنوعات کی ہفتہ وار نئی قیمتوں کے تعین کے دوران ہوگا۔
ذرائع کے مطابق عالمی مارکیٹ میں تیل کی قیمتوں میں ہونے والی کمی کا براہ راست فائدہ عوام تک پہنچانے کے لیے پیٹرول کی قیمت میں 8 روپے جبکہ ہائی اسپیڈ ڈیزل کی قیمت میں 30 روپے فی لیٹر تک بڑی کمی متوقع ہے۔
یہ بھی پڑھیں : امریکہ-ایران مذاکرات: عالمی منڈی میں خام تیل کی قیمتوں میں بڑی کمی
پیٹرولیم مصنوعات کی نئی قیمتوں کا حتمی فیصلہ وزیراعظم شہباز شریف کریں گے جس کے بعد پیٹرولیم ڈویژن کی جانب سے نوٹیفکیشن جاری کیا جائے گا اور یہ قیمتیں اگلے ایک ہفتے کے لیے نافذ العمل رہیں گی۔
