سپریم کورٹ آف پاکستان نے بانی پی ٹی آئی عمران خان سے ملاقاتوں کی اجازت سے متعلق دائر درخواستوں کو باقاعدہ سماعت کے لیے مقرر کر دیا ہے۔
نجی ٹی وی کے مطابق مشعل یوسفزئی اور عظمیٰ خان کی جانب سے بانی پی ٹی آئی سے ملاقاتوں کی سہولت فراہم کرنے کے لیے عدالتِ عظمیٰ میں درخواستیں دائر کی گئی تھیں۔
ان اہم درخواستوں پر جسٹس محمد علی مظہر کی سربراہی میں قائم تین رکنی بنچ 20 جولائی کو سماعت کا آغاز کرے گا۔
یہ بھی پڑھیں : وراثت میں خواتین کا حق :وفاقی آئینی عدالت کا بڑا فیصلہ جاری
واضح رہے کہ اس کیس کی گزشتہ سماعت کے دوران عدالت نے معاملے کی حساسیت کو مدنظر رکھتے ہوئے سپریٹنڈنٹ اڈیالہ جیل اور ایڈووکیٹ جنرل اسلام آباد کو نوٹسز جاری کرتے ہوئے ان سے تفصیلی جواب طلب کیا تھاجو آئندہ سماعت پر عدالت کے سامنے پیش کیے جائیں گے۔
