پاکستان تحریکِ انصاف کے دورِ حکومت کے دوران وفاقی دارالحکومت اسلام آباد کو آتشزدگی کے 16 سے زائد سنگین واقعات کا سامنا کرنا پڑا۔
ان حادثات میں اہم ترین سرکاری و حساس عمارتیں، گنجان تجارتی مراکز اور مارگلہ ہلز کے سرسبز جنگلات شدید متاثر ہوئے۔
سرکاری اور حساس عمارتوں میں 24 اکتوبر 2018 کو زیرو پوائنٹ پر واقع پریس انفارمیشن ڈیپارٹمنٹ کی عمارت میں آگ لگی۔ اس کے بعد 8 اپریل 2019 کو وزیراعظم آفس اور 17 فروری 2020 کو پارلیمنٹ لاجز میں بھی آتشزدگی کے واقعات پیش آئے۔
عوامی اور تجارتی مقامات میں 3 جولائی 2019 کو آبپارہ اتوار بازار اور 29 اکتوبر 2019 کو H-9 کے ہفتہ وار بازار میں شدید آگ لگی۔ بعد ازاں 10 جنوری 2020 کو I-8 مرکز اور 29 دسمبر 2021 کو بلیو ایریا کے غوثیہ پلازہ میں آتشزدگی ہوئی۔ رہائشی علاقوں میں 10 جون 2019 کو G-9/3 میں 4 افراد زخمی ہوئے جبکہ 10 مئی 2020 کو G-10/2 کی رہائش گاہ میں حادثہ ہوا۔
یہ بھی پڑھیں : پمز سانحہ:14 معصوم بچوں کے ضیاع پر کوئی عذر یا غفلت برداشت نہیں کی جائے گی: وزیراعظم شہباز شریف
مارگلہ ہلز کے جنگلات میں جون 2019، 17 جون 2020، اور 19 اکتوبر 2020 کو جبری کے مقام پر آگ لگی۔ اپریل 2021 میں لوئی ڈنڈی اور F-9 کے علاقوں، 26 سے 29 مئی 2021 کے دوران تلہار، سید پور اور پیر سوہاوہ، اور 12 دسمبر 2021 کو بوڈو بن میں آتشزدگی سے شدید نقصان پہنچا۔
