اسلام آباد: وزیراعظم شہباز شریف نے مکہ مکرمہ کے مقدس مقام پر ڈرون حملے کی مبینہ کوشش کی شدید الفاظ میں مذمت کرتے ہوئے کہا ہے کہ پاکستان کے عوام اس اشتعال انگیز اقدام پر گہرے دکھ اور تشویش میں مبتلا ہیں۔
سماجی رابطے کی ویب سائٹ ایکس پر جاری بیان میں وزیراعظم شہباز شریف نے کہا کہ مقدس مقام کو نشانہ بنانے کی کوشش قابل مذمت اور ناقابل معافی فعل ہے، جس پر پاکستانی عوام کو شدید صدمہ پہنچا ہے۔
I condemn in the strongest possible terms the dastardly and heinous attempted drone attack against the Holy Site of Makkah Al-Mukarramah.
The people of Pakistan are saddened and perturbed by this outrageous act. There can be no words strong enough to capture the depth of…
— Shehbaz Sharif (@CMShehbaz) September 16, 2026
وزیراعظم نے شاہی سعودی مسلح افواج کی بروقت کارروائی کو سراہتے ہوئے ان کی غیر معمولی مستعدی، بہادری اور پیشہ ورانہ صلاحیتوں کو خراج تحسین پیش کیا۔
لن ينساها التاريخ ولا المسلمون ..
وستبقى شاهدةً على ما حدث .. pic.twitter.com/L2LZscLaKr— فهد ديباجي (@fahddeepaji1) September 16, 2026
شہباز شریف نے تمام فریقین پر زور دیا کہ وہ انتہائی تحمل کا مظاہرہ کریں اور مزید کشیدگی سے گریز کرتے ہوئے تنازع کے حل کے لیے بات چیت اور سفارت کاری کا راستہ اختیار کریں۔
یہ بھی پڑھیں : وزیراعظم شہباز شریف کا سعودی ولی عہد سے ٹیلیفونک رابطہ، حوثی حملوں کی شدید مذمت، سعودی عوام کے ساتھ مکمل یکجہتی کا اظہار
انہوں نے کہا کہ خطہ پہلے ہی تنازعات کے باعث بہت زیادہ مشکلات کا سامنا کرچکا ہے، اس لیے امن کے حصول کے لیے مذاکرات اور سفارت کاری ہی پائیدار راستہ ہیں۔
وزیراعظم کا کہنا تھا کہ پاکستان برادر ملک سعودی عرب کی خودمختاری اور علاقائی سالمیت کے دفاع کے لیے غیر متزلزل طور پر اس کے ساتھ کھڑا ہے۔
انہوں نے مزید کہا کہ حرمین شریفین کی سلامتی اور تقدس کا تحفظ بھی پاکستان کے لیے انتہائی اہم ہے اور ہر پاکستانی اس ذمہ داری کو اپنے دل کے قریب سمجھتا ہے۔
